Bayern Vs Leverkusen

Zanin dar 1:30 hian Champions League last 16 second leg-ah Bayer Leverkusen leh Bayern Munich te an inkhel dawn. Allianz Arena-ah Bayern 3-0 in an chak tawh a, Bay Arena-ah Xabi Alonso hote thawhchhuah an tum ang.

Kartawp inkhel en chuan beisei a sang lo. Bayern-in an mualah VfL Bochum 3-2 in an hneh lo a, Leverkusen pawhin an mualah Werder Bremen 2-0 in an hneh bik lo. Mahse, table aṭanga thlir chuan zanina inkhel turte hi tun dinhmuna German club ṭha pahnih an ni thung.

Xabi Alonso hnuaiah Leverkusen-in Bayern ngam viau mah se UCL boruak a danglam a, 3-0 ngawtin an tlawm. Goalkeeper Matej Kovar chetsual a pawi a, Leverkusen keeper tawnhriat ngah zawk Lukas Hradecky lahin Werder Bremen lakah goal hnih a chhuah tho. Chutihrualin Hradecky hi zanina Bayern hmachhawn turah a ngaih theih.

Leverkusen tan goal venhim aiin goal khung a pawimawh a, mahse kartawpa inhliam Florian Wirtz a dam hman a beiseiawm loh. Wirtz tel loa Bayern laka goal thum a khung a harsa dawn a, an tana chanchin lawmawm erawh Bayern-in keeper tawnhriat nei ṭha Manuel Neuer an chhawr thei dawn lo.

Bayern keeper Jonas Urbig tan mawhphurhna a sang dawn a, kum 21 mi German goalkeeper hian kar tawpah goal thum a chhuah. Bay Arena-ah Vincent Kompany hote hi ngaih ṭha takin an lut bik lo tawp ang.