Ka khelh chhiat ber a ni - Osaka

Tennis inelna Indian Wells an khel ṭan a, a match hmasa berah Naomi Osaka a tla nghal - Japanese star chuan tennis a khelh tawh china match a khelh chhiat ber a la ni hiala a hriat thu a sawi.

Janaury thla khan Osaka hian Australian Open a khel a, chumi hnuah tun ṭum hi tournamnet a khelh lehna hmasa ber a ni. A khingpui Camila Osorio lakah 6-4, 6-4 in a chak lo nghal.

Grand Slam vawi li champion tawh Osaka chuan, "Min ṭantu tam tak an awm tih ka hria a, ka inkhel en châk lo kal ta hmaah ka che ṭha lo, ka match khelh tawh zinga chhe ber a nih avangin ngaihdam ka dil," tiin a sawi.

Osaka hi theihna nei sang leh player danglam tak mai a ni a, mahse fa a neih bakah hliamin a tlak buak bawk a, tun hma lama ropui leh ṭha taka a khelh ang khan a inkhel chhuak leh thei ta rih lo.

Hnehna changtu Osorio tan erawh hun chhinchhiah tlak a ni thung - Colombian nula hian tun hmain Indian Wells a khelh tawh hoah chak ni hmel a la hmu ngai lo, a match lehpekah chuan Debmark player Clara Tauson a hmachhawn dawn a ni.

Inkhel dangah Petra Kvitova a chak lo bawk - Wimbledon vawi hnih champion tawh hi Varvara Gracheva lakah 4-6, 6-3, 6-4 in a chak lo. Kvitova pawh hian nikum July thla khan fa a nei a, inkhel leh tawh mah se ngai a la awh leh thei rih lo.