Mumbai kuta innghat Odisha

Nilaini zan ISL inkhelah Odisha chuan 3-2 in Jamshedpur FC an hneh a, playoff khelh beiseina an chhi nung zel - Mumbai City kutah an innghat tawh thung.

Odisha hian Dorielton Gomes leh Hugo Boumous (2 goals) hmangin 3-0 in hma an hruai hman. Jamshedpur-in hun tawp hnaih lamah Jordan Murray leh Stephen Eze hmangin si phurh an sut ṭhen a, mahse, an harhchhuah a tlai tawh avangin an 'comeback' thei lo.

Odisha-in league match an khel zo tawh a, table-ah parukna an ni. Mahse, playoff khel phak tur chuan match hnih khelh tur la nei Mumbai-in point an hlawhchhuah miah loh a ngai a, an dinhmun a derthawng hle.

Jamshedpur khel-mualah Odisha tan Isak Vanlalruatfela chuan bul ṭanin, bench aṭangin Jerry Mawihmingthanga a lut bawk.