Mexico-ah Navarro a champion

Hmeichhe tennis inelna Merida Open khelh zawh takah Emma Navarro a champion - Mexico rama inelna hmawr bawknaah hian Navarro hian a khingpui Emiliana Arango lakah set a hloh miah lo.

American nula Navarro hi 6-0, 6-0 in a chak - tun hnai kum 100 chhungin Navarro hi WTA final-ah set hloh loa chak thei player pangana a ni chiah, thil thleng khat tak chu a thlentir a ni.

World number 8 ni thar Navarro hian Colombian world number 133 hneh turin minute 55 chauh a mamawh a, tennis a khelh hun chunga a nomawi pahnihna chauh ni mah se ranking point hmuh belhin a sang zual 10 zingah a tel phak.

Tunlai player zingah chuan Iga Swiatek chuan kum 2021 Italian Open final-ah khan Karolina Pliskova chu set hloh loin a lo hneh tawh bawk a, tunah chuan Polish nula sulhnu hi Navarro hian a rawn zui ve leh ta chiah a ni.