Philadelphia 76ers an chak

A zawna match kua ngawt mai an tlawm hnuah Philadelphia 76ers chu an chak ve ta - nimin zing NBA inkhelah Philadelphia 76ers hian Golden State Warriors chu 126-119 in an hneh.

Philadelphia 76ers tan hian Quentin Grimes chuan point 44 teh meuh a nei a, ani bakah hian Kelly Oubre Jr (20 points), Guerschon Yabusele (18), Paul George (17) leh Andre Drummond (10) te an khel ṭha bawk.

Warriors tan Stpehen Curry-a'n point 29 a neih bakah assist ṭum 13 nei mah se chakpui nan a tawk zo lo a, a zawna vawi nga an chak tluang lai chu a tawp leh ta rih a ni.

Western Conference table-ah Golden State Warriors hi pasarihna an ni mek a, hnehna changtu Philadelphia 76ers hi Eastern Conference table-ah 11-na an ni thung.