Dorgu tel loin Man United

Manchester United-in March 2, Pathianni zan dar 10:00 hian FA Cup fifth round-ah Fulham an mikhual dawn a, hrem vangin thlasik bazara an lakluh Patrick Chinazaekpere Dorgu a khel thei dawn lo.

Dorgu hi kar laihawla Ipswich 3-2 a an hneh ṭumin hnawhchhuah a ni a, match thum hrem a ni dawn. Man United hian Fulham zawh hian Arsenal leh Leicester City te an hmachhawn dawn a, Dorgu hi an chhawr thei dawn lo ang.

Man United tan Premier League aṭangin Europe inelnaa tel a beiseiawm tawh lo a, hei vang hian FA Cup leh Europa League inelna an lak thutak a ṭul. FA Cup-a an champion chuan Europa League an khel thei a, Europa League-a an champion chuan Champions League an khel thei thung.

Ruben Amorim-a hote hi mahni muala khel tur ni mah se tun hnaia an result ṭhat loh avangin Opta supercomputer-in Fulham chak a ring zawk. United chakna chance hi 45.3% a chhut a ni a, Fulham chak theihna chance hi 54.7% a chhut a ni.

Chutihrualin Man United hian tun season-ah Fulham hi ṭum hnih an hmachhawn tawh a, 1-0 ve vein an hneh. Amorim-a hoa an hneh ṭumin Lisandro Martinez-a'n goal awmchhun a khung a, Argentine defender hi hliam vangin a chawl mek. Tun season ṭantirh khan Erik Ten Hag-a hoin an chak a, Old Trafford-a an inhmachhawn ṭum hian Joshua Zirkzee-a'n goal awmchhun a khung.