Azarenka a chak hram

Hmeichhe tennis world number 1 hlui Victoria Azarenka chuan set a hloh hnuah Anhelina Kalinina chu 2-6, 7-6 (4), 6-4 in a hneh let a, harsa angreng takin Dubai Championship khelh laiah second round a lut.

Kum 35 mi Azarenka hi set hnihna an khelh laiin 5-2 in a hniam zawk a, set hnuhnung ber leh a chak tur zawnnaah pawh 4-2 in a hnufual bawk. Mahse, heng set pahnihah hian huaisen takin a tho chhuak.

Azarenka hian a match lehpekah chuan Iga Swiatek a hmachhawn ang - Polish nula Swiatek hi round hmasa berah a bye a, tha thara khel tur a nih bakah player ṭha bik a nih avangin hmachhawn a awlsam lo ang.

Inkhel dangah Amanda Anisimova erawh a chak lo - Qatar Open nomawi a chawi aṭanga ni hnih hnu lekah Amanda Anisimova hian tournament a khel leh nghal a ni a, amah ang bawka American player McCartney Kessler lakah 6-2, 6-3 in a chak lo nghal a ni.