Qatar Open champion Anisimova

Amanda Anisimova chuan tennis a khelh china a vawi khat nan WTA 1000 title a la - Inrinni khan Jelena Ostapenko chu 6-4, 6-3 a hnehin Qatar Open nomawi a chawi.

Centre Court-a inkhelah world number 41 Anisimova hian a khel ṭha hle a, ruah sur vanga buai zeuh chu nei mah se atana hun ruat hi Ostapenko chuan a dansak thei lo - Qatar Open champion ni tawh zinga ranking hniam ber a ni hial.

Kum 23 mi Anisimova chuan, "Ka tan chuan chawlhkar nuam leh hlimawm ber a ni ngei ang. Hetiang hun hi engtikah emaw chuan ka la tawng ve ang tiin ka suangtuah ṭhin, a tak ram a lo chang ve ta.

"Ka champion avangin a ṭha berte zinga mi ka ni ve nghal tihna erawh a ni kher lo, hmasawnna tur leh zir belh ngai ka la ngah hle a, hmabak tam tak ka la nei tih ka hriat thar a ngai zawk," tiin a sawi.