Fenerbahce an chak chiang

Europa League knockout playoff pawh Ningani zan khan khelh a ni a, Jose Mourinho enkawl Fenerbahce chu last 16 lut turin an dinhmun a ṭha hle - an mikhual R.S.C. Anderlecht chu 3-0 in an sawp.

Turkish club tan hian Dusan Tadic, Edin Dzeko leh Youssef En-Nesyri ten goal khat ṭheuh an khung a, Belgian club Anderlecht-in a chhanletna tur an nei lo.

Hetihlai hian Turkish club lar tho Galatasaray erawh an tlawm chiang a, khualmualah AZ Alkmaar chu 4-1 in an ngam lo. Dutch club tan Sven Mijnans, Troy Parrott (penalty), Jordy Clasie leh David Wolfe ten goal khat ṭheuh an khung.

Galatasaray tan Roland Sallai chuan goal khat khungin, minute 51-naah Kaan Ayhan hnawhchhuah a ni bawk - Ayhan hnawhchhuah a nih lai hian 2-1 in an hnufual a, player 10-a an khelh hnuah goal hnih an chhuah belh.