Jazz lakah Lakers chak lo

LeBron James leh Luka Doncic te meuh nei kawp mah se Los Angeles Lakers chu Utah Jazz lakah 132-119 in an tlawm a, team dang laka chesual thei reng an ni tih an zir chhuak nghal ngei ang.

Nimin zing Delta Center-a inkhelah Lakers tan James leh Doncic te an inlan a, tunlai an boruak ngaihtuah chuan an chak rinna a lian. Mahse, James (18 points) leh Doncic (16) te chu Jazz hneh nan a tawk zo lo.

NBA regular season kal laiah Lakers hi vawi 20 ngawt an tlawm ta, ṭum 32 chu chak nei bawkin Western Conference-ah pangana an ni. Hetihlai hian hmahruaitu Oklahoma City Thunder chu vawi 44 ngawt an chak tawh, an chak zat a inthlau hle.

Anthony Davis an chhuah a, an duh tak Doncic an nei tawh, an la duhtawk mai lo. Lakers hian Alex Len an lak belh, Ukrainian center Alex Len hi free transfer-in an lalut a, 7ft tehmeuha sang a ni - season chawhnu lamah team ti khauh turin an bei nasa hle.