Mendy-a'n club thar a nei

Manchester City left back hlui Benjamin Mendy chuan club thar a nei a, French club Lorient chhuahsanin, Swiss Super League club FC Zurich a zawm - kum 2026 nipui thleng a cham ang.

Kum 30 mi Mendy hi a football zinkawng a bumboh hle. August 2021 khan pawngsual thubuai siamsak niin, thubuai a neih hnuah City hian an club tan an khelhtir zui duh lo.

Mahse, January 2023 khan thubuai ṭhenkhatah thiam chantir niin, hemi kum vek July-ah hian a thubuai zawng zawngah thiam chantir zui a ni - mahse, thubuai a neih chhung zawngin a inkhel lo a, a football career a sawp chhe hman tih theih a ni.

Kum hnih deuhthaw inkhel loa a awm hnuah nikum nipui lai khan City chuan an chhuah zalen a, khatihlaia Ligue 1 club Lorient a zawm. French club tan hian match 15 a khel hman a, goal hnih a khung bawk.

Mahse, Ligue 2 lamah an tla thla zui a, tunah chuan chona thar hmachhawn turin FC Zurich a zawm ta.