India an chak nuam sa

India chuan ICC Champions Trophy hmanga an match hnuhnung berah England chu 142 runs-in an chak a, series 3-0 in an la. Narendra Modi Stadium-a inkhelah Shubman Gill-a century hmangin Men in Blue-in 356 runs an siam a, England erawh 214 runs an siam tihin an thi fai vek.

February 12, Nilainia inkhelah England-in vawm hmasak an thlang. India opener Shubman Gill-a'n a theihna a pholangin 102 ball-ah 112 runs a siam a, Shreyas Iyer pawhin 78 runs a siam bakah Virat Kohli-a'n 52 runs a belh bawk.

Rohit Sharma hote hian 356 runs an siam avangin England tan target a sang a, risk lak nghal a ngai. India bowler Arshdeep Singh-a'n wicket pawimawh pahnih a la a, England opener Phil Salt (23) leh Ben Duckett (34) ten run tam an siam hman lo.

Bowler dang Harshit Rana (31/2), Axar Patel (22/2) leh Hardik Pandya (38/2) ten wicket hnih ṭheuh an la a, England-in over 34.2-ah 214 runs siamin an thi fai vek.

India hian England laka hnehna an chan chian avangin Champions Trophy atan inrintawkna an ngah sawt dawn. Men in Blue hian February 20, Ningani chawhnu dar 2:30 hian match hmasa berah Bangladesh an hmachhawn ang.