2017 Champions League final khelhna tur Millennium Stadium
Cardiff khawpuia Millenium Stadium chu 2017 Champions League final khelhna tura thlan a ni. Final hi June 3-a khelh tura ruahman niin Cardiff City Stadium-ah Hmeichhe Champions League final chu mipa final hma ni hnihah khelh a ni thung ang.
Mipui 74,500 lenna Millennium Stadium hian FA Cup final, League Cup final, Community Shield leh Football League play-off 2001-2006 inkar khan an lo thleng tawh ṭhin a, 2012 khan Olympic football an lo thleng nual tawh bawk.
Cardiff khawchhuak Real Madrid forward Gareth Bale a phur a, khawvel player man to ber chuan, "Hetiang ang stadium ropui taka Champions League final khelh hi ka chak a ni," a ti.
Football Association of Wales (FAW) chuan Millenium Stadium-a Champions League final an thlen theihna tur hian stadium neitu Welsh Rugby Union (WRU) phalna in dilna an thehlut a, an hlawhtling ta a ni.