Santos-ah Neymar a kir ta

Neymar chuan a chhawr chhuahna Santos a zawm leh ta a, tun hma lama nuamti leh zalen taka football a khelh ang khan khelh chhuah leh theih a beisei thu a sawi - Brazil tan chuan chanchin ngaihnawm a ni ang.

Kum 32 mi Neymar hian Barcelona, Paris saint Germain leh Al Hilal tana a khelh hnuah Santos a pan a, amah ngainatu ten Vila Belmiro Stadium-ah an lo lawm a, beisena thar nen khawvel a thlir dawn a ni.

Brazil tan match 128 aṭanga goal 79 khungtu Neymar chuan, "Hun rei tak chhung chu football ka khel mumal thei lo, ka tan chuan he hmunah hian hlimna leh beiseina chu a awm, ka tan chuan damna hmun a ni.

"Santos aṭang hian hlimna, lawmna leh inrintawkna chu ka neih let leh ka beisei," tiin a sawi a, nakkuma World Cup khelh tur atan a inbuatsaih dawn nia sawi a awm bawk, an ram Brazil tana hlawhtlinna chan a tum ang.