Euro U21 Germany an chak chiang

Inrinni zan khan UEFA Under-21 European Championship group A inkhel thawh hnihnaah Germany U21chuan 3-0 a Denmark U21 hnehin group hmahruaitu an ni rih.

He inkhelah hian Germany tan captain Kevin Volland a khel ṭha hle a, Hoffenheim winger Volland hian goal hnih a khung bakah Borussia Dortmund centre back Matthias Ginter chuan goal khat a tauh lut bawk.

Czech U21 chak chiang

An match hmasa berah Denmark hneh lo mah se a Czech Republic U21 an chesual nawl lo. Generali Arena-a inkhelah hian Czech tan midfielderJan Kliment chuan hat-trick a siam bakah Martin Frydek chuan goal khat khungin 4-0 in Serbia U21 an sawp.

An group match hnuhnung berah Czech hian Germany an hmachhawn dawn a, an hneh thei a nih chuan semifinal an la lut thei. Chak lo team Serbia hian an match hmasa berah Germany chu goal khat ve ve khunga an inhneh tawk pui tawh avangin round sang zawk luh beiseina an nei tawh lo.

Group A-ah hian Germany U21, Denmark U21, Czech Rep. U21, Serbia U21 te awmin a sang pahnih hian semifinal an lut dawn a ni.

Nizan khan Group B-ah England leh group hmahruaitu Sweden an inkhel a, an match hmasa bera England hnehtu Portugal leh Italy an inhmachhawn bawk. Harry Kane a telna England hian Sweden an hneh lo leh a nih chuan semifinal luh a beisei awm tawh lo ang.

Pos. Team P GD Pts

1. Germany U21 2 3 4

2. Denmark U21 2 -2 3

3. Czech Rep. U21 2 3 3

4. Serbia U21 2 -4 1