Villa mikhual tur Spurs

FA Cup-ah Tottenham-in Tamworth hneh turin harsatna an tawk a, Premier League club hian National League club hi extra time-ah 3-0 in an hneh. Spurs hian minute 90 chhunga goal an khung theih loh hnuin extra time-ah Tamworth substitute Nathan Muya Tshikuna-a'n an lama a tihluh aṭangin goal an khung ṭan a, Dejan Kulusevski leh Brennan Johnson ten goal khat ve ve an khung belh.

Spurs hian team awlsam tura ngaih Tamworth an hneh ṭawk a, fourth round-ah Premier League club Aston Villa an hmachhawn dawn a, Villa Park-ah an khelh dawn avangin hna a hautak lehzual ang.

Liverpool-in Championship mawng-phaha awm mek Plymouth Argyle an tlawh dawn a, mahse Championship club hian Brentford an hneh tih hriat a ṭha. Chelsea-in Premier League club Brighton an tlawh dawn a, Bournemouth pawhin David Moyes-a enkawl Everton an hmachhawn ang.