Freddy lansarh zanah Blasters chak

Kerala Blasters-in Punjab FC lakah player pakuain inkhel khar mah se, player 11 an nih laia an goal khung humhimin, I League champion hlui lakah 1-0 in hnehna an chang.

Blasters hian minute 44-naah penalty hmangin goal hmahruai an khung a, Moroccan forward Noah Sadaoui chuan amah hlawhchhuah penalty hi goal-ah a chantir.

Minute 58-naah Blasters defender Milos Drincic chu a yellow card pahnihna a hmuh avangin hnawhchhuah a ni a, minute 74-naah Aibanbha Dohling hnawhchhuah a ni ve leh bawk.

Mahse, mikhual team Blasters an ṭang tlang a, Punjab-in si phurh an sut thei chuang lo. Blasters hian tun season-ah beisei an phak loh avangin December 16 khan coach Mikael Stahre an ban.

Coach lailawk T. G. Purushothaman hnuaiah league match thum khelin match hnih an chak a, match khat chiah an la tlawm.

Punjab lakah hian Freddy Lallawmawma chuan inkhel bul ṭanin, player of the match atan thlan a ni a, R. Lalthanmawia chu bench aṭanga luhtir a ni.