Osaka hma hun a chiang lo zui

Australian Open khelh hun a hnai a, world number 1 hlui Naomi Osaka erawh dinhmun chiang lo takin a awm mek - Auckland Classic final khelh laia a inhnuhdawh chhan chu endik a ni dawn.

Osaka hi dinhmun ṭha takah a ding hman, a khingpui Clara Tauson lakah set khatna a la, mahse dul hliam vangin a inkhel chhunzawm thei lo a, nomawi a chân zui nghal bawk.

Kum 27 mi Osaka chuan, "MRI tih a ni a, na leh hrehawm tak ni lo mah se ka dinhmun a la pangngai thei lo. Australian Open khelh ngei ka duh, tunah hian rilru khingbai angreng takin ka awm mek," a ti.

Osaka hian tun hmain Australian Open nomawi hi vawi hnih a chawi tawh, a inkhelh thiamna hmun a ni. Fa a neih hnuah erawh ngai a la awh leh thei rih lo a, kuminah beisei nei sang viau dawn mah se hliamin a tlakbuak leh rih a ni.

Tennis season khat chhunga Grand Slam hmasa ber Australian Open hi kar leh aṭangin Melbourne Park-ah an khel ṭan ang.