Australian Open khel lo tur Krejcikova

Wimbledon champion lai Barbora Krejcikova chu Australian Open 2025 aṭangin a inhnukdawk - Grand Slam hmasa ber a hmachhawn theih loh chhan hi a hnungzâng na vang a ni.

Nikum November thla khan Riyadh, Saudi Arabia-ah Krejcikova hian WTA Finals a khel a, semifinal thleng mah se Qinwen Zheng a ngam lo - a hnu lamah a taksa dinhmun ṭha lo vangin a inkhel chhunzawm leh thei rih lo.

Krejcikova chuan, "Season hmasa tawp lam aṭang khan hnungzâng na vangin ka buai a, tun thlengin a la reh thei lo. Hreh tak chungin Australian Open aṭangin ka inhnuhdawh pawh a ngai.

"Melbourne hian ka nunah hmun pawimawh tak a chang a, tun hma lama match ropui tak tak pawh ka lo khel tawh, tennis ngaina leh hmangaih tak fans hmaa ka inkhel thei lo tur hi pawi ka ti," tiin a sawi a, kum dangah chuan inlan theih a beisei thu a sawi bawk.