'Egyptian King' Mohamed Salah

Mohamed Salah-a'n goal a khung leh ta a, tun season Premier League-ah match 19 khelin goal 18 a khung tawh a, assist vawi 13 a nei bawk. Inelna hrang hrangah match 27 khel tawhin goal 21 a khung a, assist vawi 17 a nei.

Salah hi Premier League-a goal khung tam pasarihna a ni a, Arsenal legend Thierry Henry a nih rual - Henry hian match 258-ah goal 175 a khung a, Salah hian goal 175 khung turin match 282 a mamawh thung.

Kum 32 mi forward hi Premier League-a assist ngah top 10-na a ni ta bawk a, assist vawi 82 a nei tawh. Tun season-ah EPL-a goal khung tam ber a ni mek a, a hnuai chiahah Erling Haaland (16 goals) a awm.