United-in London Stadium tlawh dawn

Manchester United-in zanin dar 11:00 hian London Stadium-ah West Ham United an hmachhawn dawn. Ole Gunnar Solskjaer hote hi Premier League-ah match thum chhung a zawnin an chak tawh a, khualmualah vawi kua a zawnin an chak.

United khingpui tur West Ham hi David Moyes-a enkawl an ni a, Scottish manager hi Sir Alex Ferguson thlaktu 'The Chosen One' ti hiala an koh, beisei phak leh si lo kha a ni. Moyes-a hote hian match hnuhnung pathumah Fulham, West Ham leh Aston Villa an hneh. Hemi hma hian Liverpool 2-1 chauhin an hneh lo a, Manchester City 1-1 in an chelh bawk.

Inkhel entu mi 2000 an awm thei dawn a, Hammers ṭantute tana thu lawmawm chu Michail Antonio a dam tawh. London club hian nikum khan Old Trafford-ah point khat an hlawh chhuak a, an mualah 2-0 in an hneh. Ole Gunnar Solskjaer  hote tan defence panga hmang ṭhin Moyes-a hote paltlang a harsa dawn a, Marcus Rashford dinhmun a chiang lo bawk. Amaherawhchu United-in nipui transfer laia Edinson Cavani an chang hlauh chu vanneihna a ni thei ang.