China ramah Scolari

Chinese Super League club Guangzhou Evergrande chuan an coach Italian defender ropui ṭhin Fabio Can­navaro-a'n a chhuahsan hnuin coach thar atan Brazil coach hlui Luiz Felipe Scolari an ruat.

Cannavaro hian ni­kum November thla khan Italian coach Marcello Lippi-a hmunruak hnawh­khat turin China hi a pan a, Chinese Su­per League-ah a team hi a champion pui bakah Asian Champions League-ah quarterfinal a hruai thleng a, a che chhe lo. Cannavaro leh Guangzhou te hi in­hriatthiam tawnna in an inṭhen a ni.

Chelsea pawh lo kaihruai tawhtu Scolari hian Brazil club Gremio coach hna a thawh chu thla hmasa khan a bansan a, tunah Chinese club nen an inrem ta a ni.

World Cup 2002 -a Brazil champion pui tu leh 2014-a semi-final hruai thlengtu Scolari hian Chinese club hi kum hnih leh a chanve cham turin a zawm dawn a ni.

Kum 65-a upa Bra­zilian coach chuan, "China hian nasa takin football lamah hma a sawn a, he hmasawnna kawnga hmahruaitu pawimawh tak chu Guangzhou hi a ni," tiin Chinese club a zawm chhan tur a sawi.