Bednarek-a'n contract a pawtsei

Southampton defen-der Jan Bednarek-a'n Manchester United laka goal a khung hnuah St. Mary's Stadium-a kum li leh a chanve cham turin contract a pawtsei.

Poland defender Bednarek hian tun season-ah league match 10 a khel tawh a, Saints hi Premier League-ah paruknaah an awm mek. Thawhṭanni zan hian Brighton & Hove Albion an hmachhawn ang.

Southampton mana-ger Ralph Hasenhuttl chuan, "Jan Bednarek hian club-a hmun pawimawh chang turin a thawkrim a ni," tiin a sawi.

Kum 24 mi Bednarek hian kum 2017 khan Lech Poznan aṭangin English club hi a zawm. Saints tan hian match 85 a khel tawh a, goal thum a khungsak tawh. Saints hian Bednarek hma hian James Ward-Prowse, Oriol Romeu, Shane Long, Will Smallbone, Jake Vokins leh Nathan Tella bakah manager Hasenhuttl te contract an pawtseisak tawh a ni.