James-a'n contract ziak dawn

LeBron James chuan a khelh mekna Los Angeles Lakers tan kum hnih daih contract a ziak leh dawn, a agent Rich Paul chuan player leh club hian inremna an neih tawh thu a sawi.

James-a contract thar hi pound maktaduai 63 ($85m) hu a ni dawn a, 2022-23 season thleng Lakers tan a khel dawn tihna a ni. James an chelh theih hi Lakers tan chanchin ṭha a ni ang. A contract thar a hman zawh meuh chuan James hian NBA-ah season 20 a hmang tling dawn tihna a ni a, club dang nena inremna thar an nei a nih loh chuan free agent a ni ang - hetih hunah hian a fapa Bronny chuan High School zoin NBA zinkawng a zawh thei tawh dawn!

December thla a kum 36 tling tawh tur James hian season liamta khan Lakers chu NBA title a lakpui. Nomawi an chawi theih nan hian chawh rualin match tinah 25.3 points leh 10.2 assists a neih bakah rebounds vawi 7.8 la zel ang a ni. NBA champion Lakers hian season thara an match hmasa ber atan December 22 hian Los Angeles Clippers an hmachhawn ang. James chuan tun hnaiah NBA title an hum theih a rin thu a lo sawi tawh. American star chuan, "Kan thei ang, theihtawp chhuaha kan beih leh chuan tih theih a ni," a ti. Lakers hian season 10 hnua a vawi khat nan kuminah NBA nomawi an chawi ve leh chiah a ni.