Manchester City leh Kevin De Bruyne inbia

Kevin De Bruyne chuan Premier League club Manchester City nen an inbiak thu a sawi. Wolfsburg midfielder hi Europe club lian dangte pawhin an ngaihven hle.

Belgium international midfielder Bruyne hian tun season kha a hmang ṭha hle a, a club Wolfsburg chu Bundesliga-ah pahnihna nihpuiin inelna hrang hrangah match 34 a khelh aṭangin goal 10 a khung bawk.

Chelsea player hlui hi Man City chuan an team ti chak turin an lo beisei ve mek a, inbiakna pawh an nei ngei tawh tih Bruyne hian a pha lo. Arsenal leh Manchester United te pawhin an ngaihven ve hle nia sawi a ni bawk.

A hmalam hun chungchang sawiin Bruyne chuan, "A hmasa berah chuan ka club thuneitute nen inbiak phawt a ngai ang. Keimah ni loin ka agent leh ka khelhna club hi an inbiak rem a ṭhul. Season nuam tak ka hmang zo chauh a, tunah chuan chawlh hahdam ka mamawh rihin ka hria. A nihna takah chuan Premier League club liana khelh chu tu pawn an chak ang chu, mahse a pawimawh ber zawk chu nuam ti taka football kan khelh theihna hmun hi a ni," tiin EPL a ngaihven thu a sawi lang zauh.