Napoli an chak

Antonio Conte enkawl Napoli chuan Inrinni zan khan an khingpui Udinese chu 3-1 in an hneh a, point thum hlu tak hlawh chhuakin an chunga awm Atalanta an um zel.

Naples club hi tun hnaiah an chesual fo a, coach Conte-a'n harh an ngai tih a sawi hnuah an chak. Bluenergy Stadium-a inkhelah Napoli tan hian Romelu Lukaku leh Andre-Frank Zambo Anguissa ten goal an khung bakah Lautaro Giannetti chuan anmahni lamah a ti lut bawk.

Inkhel dangah Juventus chu an mikhual Venezia nen 2-2 in an inhnehtawk. Serie A season kal laiah Old Lady hi an la tlawm miah lo a, mahse match 10 ngawtah an khingpui nen an inhnehtawk tawh thung.

Hmahruaitu Atalanta chuan match 16 aṭangin point 37 an nei a, anmahni hnaih bertu Napoli aiin point khatin an sang - Juve erawh point 28 nen paruknaah an awm.