Bayern Munich an tlawm ve ta

Vincent Kompany kaihhruai Bayern Munich chu Bundesliga-ah a vawi khat nan an tlawm a, Inrinni zan khan Mewa Arena-ah Mainz 2-1 in an hneh lo. Inkhel dangah Bayer Leverkusen-in Augsburg 2-0 in an hneh a, Xabi Alonso hoten Bavarians hi point liin an la pha lo.

Mainz hian Bayern lakah chak an phu a, Lee Jae-sung-a'n goal hnih a khung hnuah mikhual team-in Leroy Sane hmangin goal khat an khung ve hram.

Mewa Arena-ah Bayern-in point thum hlawhchhuah tumin lenglut mah se mikhual team an khel ṭha zawk. Jonathan Burkardt-a'n keeper chiah a hmachhawn hnuah a khung lo a, Lee-a'n minute 41-naah hmahruaina goal a khung ta tho.

Second half-ah pawh Mainz tho an che ṭha a, Lee-a'n box chhungah vir puiin ṭha zetin a pet goal. Bayern-in hun rei zawk goal zawnah pawh an pet thei lo a, goal zawnah an pet hmasak berah Leroy Sane-a'n a khung

Minute 86-naah Sane hian box chhungah ball per chang fuhin goal zawnah a pet pawp a, siphurh an sut ṭhen. Bayern-in goal dang an khung belh thei tawh lo a, Vincent Kompany hote hian 68.9% ball possession nei mah se Mainz chu chak phu zawk an ni.