Vawiin aṭangin Reliance Development League

Reliance Foundation Development League Mizoram Zone chu vawiin aṭangin 1st Bn MAP Ground-ah khelh ṭan a ni dawn. Kum 2022 aṭang khan inelna hi neih ṭan a ni a, kumin hi a vawi lina a chiah a ni.

Inelnaah hian team paruk an tel a, vawi khat ṭheuh an inkhelh chhuah hnuah a sang pahnihin final an khel ang. Finalist pahnih hian Mizoram aiawhin zonal round an khel ang.

Reliance Development League-ah team tel turte hi Kulikawn FC, MYFD (Aizawl), Kanan SC (Champhai), Zemabawk North, Aizawl FC leh Greenfield Football Academy te an ni.