Floodlight hnuaiah Naupang League

Reliance Youth Foundation Naupang League chu a vawi khat nan floodlight hnuaiah khelh a ni a, ISL player Jerry Mawihmingthanga leh Isak Vanlalruatfela ten a hmunah an telpui. Inelnaah hian team 12 an awm a; December 14, Inrinni zan khan round 11-na khelh zawh a ni.

Team 12-te hi Under 8, Under 10, Under 12 leh Under 14-ah an inel a, vawi thum ṭheuh an inkhelh chhuah dawn avangin round 33 a awm dawn. Tunah hian vawi khat an inkhel chhuak zo chiah a, vawiin aṭangin inelna hi RG Stadium-ah khelh chhunzawm a ni ang.