Mizoram hmeichhe team chak

Board of Control for Cricket in India (BCCI) hnuaia inelna - Senior Women's One Day Trophy khelh mekah Mizoram chuan Inrinni khan Sikkim chu wicket liin an hneh.

22 Yards, Salk Lake, Kolkata-a inkhelhah Mizoram chu ṭhum vawrah vanneiin vawm hmasak an thlang a, over 50 vawmin Sikkim hian run 152 siamin wicket kua an hloh.

Zothansangi'n wicket 3 a lain, Anita Lodhi-in wicket hnih a la a, Lalnunmawii leh Tarang Jha chuan wicket khat ve ve an la bawk.

Mizoram lamin vaw ve lehin Tarang Jha chuan run 52*(90) a siam a, Lalhmangaihsangi'n run 37(101) a siam bawk. Over 44.3-ah Mizoram hian an target umphain run 155 siamin wicket ruk an hloh a, Sikkim lakah wicket liin hnehna an chang a ni.