Alcaraz dah sangtu - Agassi

Tennis legend Andre Agassi chuan Carlos Alcaraz a dahsang hle a, player ṭha dangte ṭhatna lai hrang hrang chu a nei khawm vek ni maia a hriat thu a sawi chhuak.

Agassi chuan, "Carlos Alcaraz inkhel hi ngun taka kan en chuan Novak Djokovic angin a inveng thiam a, thahrui ngah lamah chuan Rafael Nadal ang mai niin, finna leh remhriatna lamah Roger Federer ang a ni thung.

"Pianpui thiamna sang tak a nei a, a kum rualpui zingah a hriam hle bawk. Mahse, player ropui dangte anga hlawhtling tur chuan thutlukna a siam thiam a pawimawh dawn, hliam nei loa inkhelh theih a ngai bawk," tiin a sawi.

Spanish tlangval Alcaraz hi kum 21 mi chauh a la ni a, world ranking lamah chuan a tawn san lai chuan a chung berah pawh a awm tawh, major title pali la tawhin tunlai player hmabak nei eng berte zinga mi a ni.

Tennis season liam taah khan Alcaraz hian French Open leh Wimbledon title a la, number 1 ni chunga kum tawp hmangtu Jannik Sinner chuan Australian Open leh US Open nomawi a chawi thung, season tharah pawh na takin an inel leh ang.