Mbappe-a'n thiam lohna a nei lo?

Khawthlang chanchin-bu ṭhenkhatin pawngsual thubuai nen Kylian Mbappe an sawizawm a, mahse tunah chuan Swedish danhremi Marina Chirakova chuan finfiahna awm lo a ni tih a sawi.

Ocotober thla khan Mabppe hian Stockholm a tlawh a, hemi ṭum hian pawngsual thubuaiah inhnamhnawih nia puh a ni a, khawthlang chanchinbu hrang hrangin France captain chungchang hi an sawi nasa hle.

Thil thleng hi chhui a ni a, a chhui chiangtu zinga an hotupa Chirakova chuan, "Zir chianna kan neih chhung khan pawi khawihtu leh a tuartu nia sawite ngun taka zirchian a ni a, thil thleng nia sawi zawng zawng pawh enfiah a ni bawk.

"Chumi hnua kan hmuh chhuah takah chuan, tel ve nia an puh hian pawi khawihna a neih awm hriat a ni lo," a ti. Dan hremi hian thiam lohna nei lo a tih tak hi a hming a sawi lang lo a, mahse Swedish chanchinbute chuan Mbappe nia an ngaih thu an sawi.

Chirakova-a thusawi chungchanga hian Mbappe leh a dan hremi Marie-Alix Canu-Bernard te chuan thuchhuah an la nei hran lo a, an thiam emaw thiam lo emaw thu dik a lang chhuak thuai tura ngaih a ni.

Ocotober thlatir khan international break a awm, hetih lai hian Mbappe hi France tana inlan loin Stockholm lamah a kal zawk a. Swedish khawpui a thlen aṭanga ni khat hnu lekah thuthang hi a rawn awm a ni.