Goal keeping clinic nei

Reliance Foundation Young Champs Naupang League hnuaiah 'Goal Keeping Clinic' chu ni hnih chhung neih a ni a, nimin khan zawh fel a ni.

Goal ven zirna hun hi Aizawlah neih a ni a, theory class chu Govt Aizawl College, New Campus Mualpuiah neih niin, practical chu RG Stadium, Mualpuiah neih a ni.

GK Clinic-ah hian Champhai leh Aizawl Naupang League U12 & 14GK 48 leh coach 30 an tel.

RFYC Mumbai aṭangin Gumpe Rime, (RFYC Head GK Coach), Jignesh Antala (RFYC GK coach and Head of Operations) leh Nihal Colaco (RFYC Head of Content & Medi) ten zirtirna an pe a ni.