Padinga pual football tournament

Mizo footballer piang tawha hmuhnawm ber zinga mi Laldingngheta Tochhawng (Padinga) pualin vawiin hian Mizoram footballer hranghluiten One Day Tournament an buatsaih dawn. Inelna hi Chite Football Ground-ah chawhma dar 10:00 aṭangin khelh a ni ang.

Padinga hi a inkhelh hun laiin midfielder a ni a, Santosh Trophy-a Mizoram champion puitu coach H. Vanlalthlanga chuan, "Padinga hi kan khel ho tam a, ani hi chu a khel a nghet ṭha charh a, a thiam takzet," tiin Vanglaini a hrilh.

Inelna ngaihhlut CYMA Football-ah Padinga hian an veng Electric Veng chu vawi thum 1987, 1989 leh 1998-ah te a champion pui a, a hun laia club ṭha Power Dept leh Aizawl FC tan khelin vawi ṭhahnem tak Mizoram aiawhin a zin chhuak bawk a ni.