Goal li khungtu Feyenoord

Manchester City laka goal thum an chhuah hnua si phurh sut zo thei Feyenoord-in Champions League knockout round khelh beiseina an la nei ve zel a, Nilaini zan khan an mikhual Sparta Prague chu 4-2 in an hneh.

Feyenoord hian Gernot Trauner, Igor Paixao leh Anis Hadj Moussa hmangin first half-ah goal thum an khung a, chawlhlawk hmain Albion Rrahmani chuan Sparta tan goal khat a khung bawk.

Mahse, second half-ah Santiago Gimenez chuan khung ve lehin, minute 79-naa Thomas Beelen 'own goal' in Feyenoord a chhan tawh lo. Hun tawp thlengin goal dang a lut lo a, 4-2 in Feyenoord an chak.

Dutch club hi table-ah 18-na niin, playoff khel thei dinhmunah an ding mek a, Sparta Prague erawh point li chiah neiin, an dinhmun a chau ta hle.