Inter Dist Women's C'ship-ah Saitual an champion

MFA Inter District Senior Women's Football Championship-ah Saitual DFA an champion a, nikum final-a an hneh loh Aizawl DFA lakah phuba lain 2-1 in hnehna an chang. Saitual champion puitu Lalbiakdiki chu best player atana thlan a ni.

Keifang C.S.C Ground-a inkhelah Aizawl player Caroline Lalromawii'n an lamah minute kuana lekah a tilut a, ADFA-in Lalramdintluangi hmangin minute thum hnuah siphuth an sut leh tho. Mahse, minute 54-naah PC Lalrinhluii'n Saitual tan chakna goal a khung.

Fairplay award dawngtu Aizawl lamin final an thlen theihna tura goal kua ngawt khung thei Lalrinmuani kawl mah se siphurh an sut thei lo. Saitual 2-1 in an chak.

Saitual DFA hian hmeichhe inelna hi ṭum thum an hmachhawn tawh a, kum 2022 khan Siaha-ah Champhai hnehin an champion. Kumin May thla khan Serchhip-ah final lut leh mah se Aizawl lakah an vanduai a, kum tawpah coach Zodintluanga leh assistant coach Laltleipuia hoin phuba an la a ni.