TT inelna nei ṭan

Table Tennis inelna - Lalrokunga Memorial Mizoram Ranking Table Tennis Championships, 2024 chu nimin khan Mizoram Table Tennis Hall, Kawltheihuan, Mission Veng-ah khelh ṭan a ni.

Championship hi Mizoram aiawha lo feh chhuak fo tawh leh, Table Tennis technical official leh coach, nikum a boral ta Mission Vengthlang tlangval Lalrokunga hriatreng nan a a chhungte leh Mission Vengthlang Sporting Club te'n Mizoram Table Tennis Association hriatpuinaa an buatsaih a ni.

Inelnaah hian Hopes (Under 11) Category aṭanga Master (Above 30) category thleng awmin, a vaiin category 14-ah inelna a awm dawn a ni.

Championship-ah hian MTTA Technical Committee-in Ranking & Seeding Rules a siam angin champion-in ranking point 90, runner up-in point 60, semifinalist-in ranking point 45 an hmu ang.