Leverkusen-in goal surtir

Bundesliga champion Bayer Leverkusen-in Champions League lamah German champion meuh chu an danglam bik tih an pholang a, Red Bull Salzburg chu 5-0 ngawtin an sawp - Florian Wirtz chuan goal hnih khungin, a goal hmasa zawk hi penalty aṭanga a khung a ni.

Wirtz bakah hian Alejandro Grimaldo, Patrik Schick leh substitute Aleix Garcia ten Leverkusen tan goal khat ṭheuh an khung a, Red Bull Salzburg lamin a chhanletna tur an neih loh avangin an tlawm chiang hle.

Xabi Alonson enkawl Leverkusen hian Champions League match nga an khelhah vawi thum an chakna a ni a, vawi khat draw neiin, vawi khat an tlawm. An tlawm awmchhun hi Liverpool laka 4-0 a an tlawm kha a ni a, Reds laka an mualpho hnua an UCL match hmasa berah goal nga lawih an khung!

Leverkusen hian Salzburg (5-0) bakah Feyenoord (4-0) leh AC Milan (1-0) an hneh tawh a, Brest (1-1) chu in draw puiin, Liverpool (4-0) lakah an mualpho - Inter Milan (home), Atletico Madrid (away) leh Sparta Prague (home) te an la hmachhawn dawn.