Yamal a chawl rih dawn

Barcelona ṭantuten chanchin lawmawm lo hriat tur an nei a, rawlthar duhawm Lamine Yamal chu hliam vangin a la chawlh rih hret a ngai dawn - engtia rei nge a chawlh dawn erawh he thu buatsaih a nih lai hian hriat theih a ni rih lo.

Yamal hi November thlatira Champions League match-a Red Star Belgrade nen an inkhelh ṭum khan a ke rekah a inhliam a, kar hmasa tawpa Real Sociedad nena an inkhelah pawh inlan loin, Barca an tlawm.

Mahse, international break a nih zui avangin Barca boss Hansi Flick chuan international break zawhah chhawr leh theih mai a inbeisei a, a beisei ang ngawt erawhin thil a kal lo - Yamal hi a la chawl rih dawn niin khawthlang media-te chuan an tarlang.

Kum 17 mi Yamal hi a kum la nau viau mah se, tun season-ah Barca tan player pawimawh bik a ni a, inelna hrang hranga match 16-a khelh tawhah goal ruk khungin, assist vawi riat a nei.

Barca hian Inrinni zan dar 1:30-ah Celta Vigo an lenchilh dawn a, Real Sociedad hneh lo hlim team hian Yamal-a tel loa chak an tum ang.