Coutinho a ropui dawn - Gerrard

Liverpool captain kalchhuak tur Steven Gerrard chuan Brazilian midfielder Philippe Coutinho chu Liverpool player ropui tak a la nih theih thu a sawi.

Reds hian tun season-ah beisei an phak lo hle. Season tharah Champions League an khelh phak dawn loh bakah FA Cup leh League Cup semi final-ah te an tla. Heti chung hian Coutinho erawh a mimal in a che ṭha a, PFA player of the year nominee zinga a tel phak bakah PFA team of the year-ah a lang.

Thawhlehni zana club Award semnaah pawh Coutinho bawk a langsar a, Goal of the Year, Performance of the Year, Players' Player of the Year leh Player of the Year award te a hui vek a ni.

'Outstanding Achi­evement' lawmman dawngtu Steven Gerrard chuan, "Season thara ka chhuah tawh dawn vang maia in mangṭha na thu sawi reng hi ka kham ve ta deuh. Chuvangin zaninah chuan Coutinho chungchang sawi ka duh a ni. Zaninah khan award awm zawng zawng a hui fai vek a, a phu zia pawh kan hre vek. Ka tan chuan ani hi Liverpool player ropui tak tur a ni a, a la ṭha dawn chauh a ni. Hun rei tak chhung kan hnenah chamin trophy tam tak min lakpui ka beisei tlat a ni," tiin Coutinho chu Liverpool a cham zui zel turin a sawm zui.