Ronaldo hoin Portugal an training

Cristiano Ronaldo chuan Portugal team a zawm a, nimin tlai khan training pangngai an nei - tun kar tawp hian Poland nen Nations League an khel dawn a ni.

Kumin atan chuan tun ṭum hi international break hnuhnung ber a ni tawh dawn, Portugal chauh ni loin ram ṭhenkhat player chu an inhnukdawk nasa. Ronaldo chuan mahni ramin a mamawh laia kohna chhang ṭha lo an awm chu mak a tih thu a lo sawi hial tawh.

Ronaldo hi kum 39 mi a ni tawh a, an ram Portugal tan match 216 a khelh aṭangin goal 133 a khung tawh. An ram tana match khel tam leh goal khung tam ber a ni a, goal khung bikah phei chuan khawvelah ram tana goal khung tam ber a ni bawk.

Bruno Fernandes pawhin Portugal team a zawm. Manchester United captain hi England aṭanga an ram pana thlawhtheihna a chuan laiin a pum a nuam lo a, na tak ni lo mah se harsatna tenau deuh chu a siamsak niin an sawi.

Portugal Squad:

Goalkeepers: Diogo Costa (Porto), Rui Silva (Real Betis), Jose SA (Wolverhampton Wanderers).

Defenders: Diogo Dalot (Manchester United), Joao Cancelo (Al Hilal), Nelson Semedo (Nelson Semedo), Nuno Mendes (PSG), Nuno Tavares (Lazio), Tomas Araujo (Benfica), Tiago Djalo (Juventus), Renato Veiga (Chelsea).

Midfielders: Joao Palhinha (Bayern Munich) Joao Neves (PSG), Otavio ( Al-Nassr)Vitinha (PSG), Matheus Nunes (Manchester City), Pedro Goncalves (Sporting CP), Bernardo Silva (Manchester City), Bruno Fernandes (Manchester United).

Forwards: Joao Felix (Chelsea), Pedro Neto (Chelsea), Francisco Trincao (Sporting CP), Francisco Conceicao (Juventus), Rafael Leao (AC Milan), Cristiano Ronaldo (Al-Nassr).