Mercedes engine hmang tur Mercedes

Alpine chuan kum 2026 season aṭangin Mercedes engine an hmansak dawn, inremna an nei fel tawh a, kum 2023 thleng thawkdun turin thu an ziak fel tawh a ni.

September thla khan Renault chuan kum 2025 hnu lamah chuan Formula huanga inhman an tum tawh loh thu an sawi a, hei vang hian Alpine chuan a hnu lama an thawhpui tur an zawn a ngaih phah.

Mercedes ho engine chauh ni loin Alpine hian kum 2026 aṭang tho hian Mercedes ho siam gearbox pawh an hmang dawn a, hemi atan pawh hian inremna an nei tawh bawk.

Alpine chuan thuchhuah siamin, "Formula 1 thuneitu lam hian team tin hi min chik em em a, engtiangin nge hma kan sawn zel tih hi min lo thlir reng, an duh leh beisei ang tih hlawhtlin hi kan tih tur a ni.

"Tun aṭanga hun rei vak loah kan team hian hmel thar a hmu dawn tih a chiang reng tawh a, chumi lo dawngdawng thiam tur chuan kan inbuatsaih char char tawh a ni," an ti.

Tun season Formula 1 team championship-ah Alpine hi an che chhe hran lo, team 10 inel zingah parukna niin point 49 an hmu tawh, an hnuaiah Hass, RB, Williams leh Sauber te an awm.