Malacia a inkhel thei ve leh ta

Thla 17 zet hnuah Tyrell Malacia chuan match a khel thei ve leh ta - Manchester United defender hi under 21 team tan a inlan a, hun rei vak lo hnuah chuan senior huangah a hmel kan hmu chhunzawm leh ang.

Kum 25 mi Malacia hi a khup hliam zai a ni a, hei vang hian a inkhel thei lo rei hle - a tira an sawi dan phei chuan nakkum February thla velah chauh inkhel thei tura ngaih a ni.

Season hmasa khan Malacia hian Man United tan match 39 a khel a, player pawimawh zinga mi a ni. Tunah chuan under 21 team aṭangin a intuaihriam chho leh mek.

Malacia inkhel lai hi technical director Jason Wilcox, head of academy Nick Cox leh first-team coach Darren Fletcher ten a hmunah an en a, a tir lam minute 45 chhung a khel - a hnuah Harry Amass chuan a rawn thlak a ni.