Santosh Trophy: Mizoramin inelna tur hmun thleng

78th National Football Championship for Santosh Trophy 2024-25 khel tur Mizoram team chuan nimin khan inelna neihna hmun tur Agartala, Tripura an thleng.

Mizoram team hian October thla tawp lam aṭang khan inbuatsaihna an nei ṭan tawh a, team manager S. Malsawmtluanga chuan eng team mah an huphurh loh thu Vanglaini a hrilh.

Mizo football legend Mama chuan, "Kan theih ang tawk chuan inbuatsaihna kan nei ṭha a, kan player-te enin eng team mah kan huphurh bik lo. Football-ah chuan eng pawh thleng thei a ni a, sawi lawk theih a ni lo - team erawh ṭha tak kan nei a, kan inpeih e," tiin Vanglaini a hrilh.

Mizoram hi group D-ah Tripura, Manipur leh Sikkim te nen an awm ho a, group hmahruaitu chauhin final round an khelh dawn avangin vawi khat chetsual a pawi thui thei dawn. November 15, Zirtawpni hian inelna thlengtu Tripura nen an match hmasa ber an khel ang.

Indian football-a hming dai tawh ngai lo tur Mama chuan, "Vanneihthlak takin kan player zingah damlohna emaw hliam emaw avanga harsatna tawk an awm lo a, kan inbuatsaih dan leh ṭhat danin kan zin thei a ni," a ti.

Agartala-a group stage khelh turah hian, ni khatah match hnih zel awmin, match leh match inkarah ni khat zel a awm a. Mizoram hian November 17, Pathianniah an match hnihna turin Manipur an hmachhawn dawn a, he inkhel hian ngaihven a hlawh ang.

Nikum khan final round group stage-ah Mizoramin Manipur hi 4-1 ngawtin an ngam lo a, Mizo football fan-te rilru a na - final round thleng lo tura petchhuah hi Mizoram football fans tam zawk beisei tur a ni ang.

Mizoram hian nikum khan coach Lalsangzuala Hmar hoain inelna an hmachhawn a, semifinal an lut. Kumina head coach tur hi Aizawl FC coach hlui B. Malsawmzuala niin, tawnhriat nei ṭha Sawmtea hoin Mizoram team hian hei aia sang thlen an tum dawn.