Napoli an chak loh laiin Inter an chak

Serie A hmahruaitu Napoli chu an mikhual Atalanta lakah 3-0 in an chak lo - Antonio Conte leh a naute hi season bul ṭan niah khan an tlawm a, chumi hnuah tun ṭum hi an chak loh lehna hmasa ber a ni hial.

Diego Armando Maradona Stadium-ah Atalanta an tlangnel hle, mikhual team tan hian Ademola Lookman chuan goal hnih a khung a, hun tawp dawnah Mateo Retegui chuan an goal thumna a khung bawk.

Naples club an chak lo tih hresa chungin zan reiah Inter Milan an inlan. San Siro-ah Inter Milan tan an striker ṭha Lautaro Martinez chuan goal awmchhun khungin an mikhual Venezia chu 1-0 in an hneh thung.

Champion lai Inter Milan hian league match 11 aṭangin point 24 an hmu a, an chunga hmahruaitu Napoli an phak lohna chu point khat chauh a ni ta. Conte leh Simone Inzaghi ten Serie A nomawi an inchuh boruak hi a ngaihnawm chho dawn hle.