Cleveland an chak tluang zel

Hamrik hnuhnung ber a rik hma chiaha Donovan Mitchell-a basket neih hmangin Cleveland Cavaliers chuan Milwaukee Bucks chu 14-113 in an hneh.

Nimin zing NBA regular season inkhelah team pahnih an inchai tawk em em a, a tawpah erawh Cleveland an vannei ta zawk, tun season match sarih an khelh tawhah an la chak fai vek.

Eastern Conferece team 15 zingah Cleveland chiah hi chak kim thei an ni a, Western Conference hmahruaitu Oklahoma City Thunder chu vawi ruk an khelh tawhah an la chak vek bawk a ni.

Point 30 neia Cleveland chakpuitu Mitchell chuan, "A nihna takah chuan team ṭha an ni a, chak turin hun ṭha pawh an nei zawk, hnehna changtu nih pawh an inring hle ang, mahse keini pawh kan ṭha ve tawk tih a takin kan hmu," tiin a sawi.