Goa lakah Bengaluru an tlawm

Tun season-a a vawi khat nan Indian Super League-ah Bengaluru an tlawm ve ta a, an tlawm chhunah an chak lo chiang - an mikhualna ramah FC Goa chu 3-0 ngawtin an ngam lo a, goal an khung ve thei lo.

Jawaharlal Nehru Stadium, Margao-a inkhelah team pahnihin goal an khung thei lawk lo a, goal awm loin chawlhlawk hman a ni. Mahse, second half aṭangin Goan club-in goal an khung a, an hawikir tawh lo.

Albania tan vawi 39 ngawt inlana goal 12 khungtu Armando Sadiku chuan Goa tan goal hmahruai a khung a, Goan midfielder Brison Fernandes chuan a belhchhah - Goa hian he goal hnih hi an chakpui mai dawn niin a lang hman.

Mahse, goal hnihah chauh Dejan Drazic a lungawi lo a, hun pek belh minute thumnaah Serbian midfielder hian chak nemnghehna goal a khung.

Goan club tan tun season-a league match sarih an khelha an vawi hnih chak vena chiah a ni a, Bangalore club tan match sariha an vawi khat tlawmna a ni ve chiah thung.

FC Goa tan Dinthar tlangval Ayush Chhetri chuan inkhel bul a ṭan a, Bengaluru lamah Lalremtluanga Fanai chuan tun season-a a vawi khat nan bul a ṭan bawk - league match sarih an khelh tawhah a la inlan kim vek.