Futsal thiam ber Zonuam

Mizoram Football Association (MFA) leh BR Studio Prpduction ṭangkawpin an buatsaih - BR Studio MFA Inter Village Futsal Tournament chu khelh zawh a ni a, final-ah Zonuam chuan Durtlang 3-1 a hnehin an champion.

Inelna hi R. Dengṭhuama Indoor Stadium, Mualpuiah neih niin team 93 ngawt an inlan a, maytch hmasa ber aṭanga a tawp ber thlengin BR Studio YouTube Channel-ah tar chhuah ṭhin a ni.

Zonuam hian final kalkawngah Dawrpui an sawp thei a, tun inelna neih laia team ṭha an nihna chu a tawp thlengin a lang - Dawrpui hma hian mamit Hmar Veng, Ramhlun South, CJV Tuivamit leh Aizawl Venglai te an hneh tawh bawk.

Nomawi an chawina kawngah hian penalty chiar tel loin goal 25 an khung a, anmahni lamah goal ruk chiah a lut thung, match pakhatah goal khat aia tam chhuahna an nei lo, an tlarhnung phui chu an ṭhatpui tihna a ni.