Khawzawl Vengthar feh chhuak

40th Governor’s Gold Cup-ah Mizoram aṭangin Khawzawl Vengthar FC an inlan dawn a, inelna hi knockout hmanga neih tur niin November 8-21 chhungin Paljore Stadium, Gangtok-ah khelh ṭan a ni ang.

Nikum khan Khawzawl Vengthar hi Sikkim Independence Day Football Tournament For Chogyal Sir Tashi Namgyal Memorial Cup-ah inlanin nomawi hial an lo chawi tawh a, tun ṭum team 16 inel tur zingah pawh a buk rit leh midangin an hmachhawn châk loh zinga mi an nih ngei a rinawm.

Khawzawl vengthar bakah hian - Gangtok Himalayan, Sikkim Police, GTA XI Darjeeling, Kalighat Milan Sangha Kolkata, Diamond Harbour, Gokulam, Chennaiyin, Northeast United, Sudeva Delhi, Punjab Police, Army Red, Transport United FC Bhutan, Church Boys United Nepal, KFC Malaysia leh Royal FC Dubai te an tel dawn a ni.