Mizoramin Santosh Trophy squad puang

Mizoram Football Association chuan November-a khelh tur Santosh Trophy atan Mizoram squad an puang a, Mizoram Premier League club zingah Chanmari FC chu player thawh hnem ber niin, player paruk an thawh.

Santosh Trophy group stage-ah hian Mizoram hi inelna thlengtu tur Tripura, Sikkim leh Manipur te nen an awm ho a, an inkhelhna tur hmun hi Agartala khawpui a ni - an inkhelh kual vek hnuah a sang ber hi final round khel turin an tling leh ang.

Mizoram team-ah hian Mizoram football legend S. Malsawmtluanga chu manager a ni dawn a, assistant manager-ah Lalnunsanga Ralte a ni ang. Coach atan hian I League-a Aizawl FC pawh lo kaihruai tawhtu B. Malsawmzuala a ni dawn.

Sawmtea hian Mizoram football-ah sulhnu hraw tak tak a hnutchhiah nual tawh a, Mizoram tana champion nomawi chawi tumin Mizoram team a kaihruai ang - assistant coach hi MS Dawngliana niin, physio-ah Ramngaihzuala a ni dawn thung.